Дасканальна вывучыць мінулае роднага краю вырашылі вучні старэйшых класаў Імянінскай СШ. Для вучняў настаўніцы Тамара Цынкус і Наталля Гірш арганізавалі экскурсію “Шляхамі старадаўняга Загароддзя”. І гэта не першая іх паездка па гэтых маляўнічых і гістарычных мясцінах. Раней вучні ўжо бывалі ў Бездзежы, Хомску і Жаберы. Цяпер жа, вырашылі наведаць музеі Іванаўскага і Пінскага раёнаў.
Першым месцам прыпынку стаў археалагічны філіял “Нашы карані” Мотальскага музея народнай творчасці.
З задавальненнем нашы юныя турысты слухалі цікавую і пазнавальную экскурсію, якая распавядала пра першабытных людей, якія жылі ля ракі Ясельда ў далёкім мінулым. Гэта яшчэ і вельмі цікава таму, што можна пабачыць тое, аб чым надрукавана ў падручніках гісторыі. Гледзячы на прылады працы першабытнага чалавека, можно зрабіць выснову, што не такі і прымітыўны быў наш далёкі продак, бо каменныя тапары і прылады працы апрацоўваў з высокай якасцю.
Далей шлях прывёў школьнікаў у музей Фёдара Дастаеўскага, які месціцца ў Дастоеве. Шмат цікавага даведаліся навучэнцы і ў гэтым музеі. Тут экскурсія складалась з двух частак.
Спачатку быў расказ пра мінулае в. Дастоева і тыя падзеі, якія пранесліся праз яе ў мінулыя часы, а затым менавіта па гістарычных каранях рода Дастаеўскіх і творчасці самаго Фёдара Міхайлавіча.
Закончылася гэта вандроўка пад вечар у музеі Яўгеніі Янішчыц, што знаходзіцца ў школе в. Парэчча. Там адбылося знаёмства школьнікаў з біяграфіяў і творчасцю таленавітай паэткі, якая сябе называла “Палеская кнігаўка”. Падчас расповяда экскурсавода Антаніны Паўлаўны пра трагічны лёс Яўгеніі, на вачах ў дзяцей з’яўляліся слёзы. Гэта сведчыць аб тым, што паэзія Янішчыц кранае чалавечае сэрца і душу.
Вось такое цікавае і пазнавальнае падарожжа “Шляхамі старадаўняга Загароддзя “ здзейснілі навучэнцы Імянінскай СШ. Па сапраўднаму кажучы, у гэты дзень вучні дакрануліся да скарбаў далёкага мінулага і чалавечай душы Фёдара Дастаеўскага і Яўгеніі Янішчыц. І гэта вельмі станоўча ў сэнсе выхавання любві да Бацькаўшчыны.
К данной статье еще никто не оставил свой комментарий. Ваш комментарий может стать первым!
Адрес: г. Дрогичин, ул. Ленина, д. 163, Республика Беларусь, Брестская обл.
Время работы:8:00-13:00, 14:00-18:00, 8.00-13.00, 14.00-17.00 (суббота, воскресенье)
Телефон: (801644) 7 14 22
Цена билета: Для учащихся, военнослужащих и приравненных к ним лицам - 60 коп. Для остальных категорий населения - 80 коп.
Цена экскурсии: Для учащихся, военнослужащих и приравненных к ним лицам - 5 руб. Для остальных категорий населения - 6 руб.
E-mail: dwhm@d-cult.brest.by
Группа музея в vk.com
Группа музея в Facebook