Сустрэчы да чарговай гадавіны раёна

Днямі наш Ваенна-гістарычны музей імя Д. Удовікава правёў шэраг мерапрыемстваў прымеркаваных да 78-й гадавіны ўтварэння Драгічынскага раёна. Мы чарговы раз напомнілі жыхарам горада і вёсак, што гэтая падзея не павінна быць забытай. Бо гэта наша гісторыя не такога ўжо і далёкага мінулага. Вельмі важна, каб кожны жыхар драгічыншчыны ведаў калі быў створаны раён. А наш раён з’явіўся на карце БССР 15 студзеня 1940 года.

У гэтым плане першай падзеяй была падрыхтоўка сюжэта для Драгічынскага тэлеканала навінаў. Працавалі над здымкамі матэрыялу тэлеаператар Віктар Мыслівец і дырэктар музея Сяргей Гранік. Менавіта Сяргей Уладзіміравіч у кароткай форме распавёў тэлегледачам аб асноўных падзеях савецкага перыяду нашай гісторыі (пачынаецца на 11:40).

Не менш цікавым было правядзенне ў бібліятэцы Драгічынскага абласнога аграрна-вытворчага прафесіянальнага ліцэя круглага стала, на які былі запрошаны не толькі музейнікі, але і старшыня Савета ветэранаў Драгічынскага раёна Святлана Магілянчык і, канешне, ліцэісты адной з груп, дзе гісторыю выкладае выкладчык ліцэя Алёна Нясцюк.

Цікава расказалі аб гісторыі роднага краю ўдзельнікам мерапрыемства дырэктар музея Сяргей Гранік і ветэран Святлана Магілянчык. Іх выступленне суправаджалася дэманстрацыяй старых фотаздымкаў, якія паказваў галоўны захавальнік фондаў музея Алег Ясковіч з дапамогай медыя праектара.

Пасля адказу на пытанні ўдзельнікі сустрэчы зрабілі фота на памяць.

Скончыліся мерапрыемствы, прысвечаныя да гадавіны раёна, сустрэчай вучняў 7-9-х класаў СШ №1 г. Драгічына з музейнікамі і ветэранам Узброеных Сіл і педагагічнай працы Аляксандрам Сушковым. Ініцыятарам сустрэчы стала настаўніца гісторыі СШ №1 Вольга Сухарэвіч.

Спачатку аб савецкім перыядзе гісторыі паведаў прысутным дырэктар ваенна-гістарычнага музея Сяргей Гранік. Яго выступленне суправаджалась фота хронікай мінулага, што таксама было вельмі цікава.

Затым слова атрымаў Аляксандр Сушкоў – былы дырэктар гэтай самай школы, які і распавёў удзельнікам сустрэчы аб мінулым нашага г. Драгічына і тым, як ён вучыўся ў 60-я гг. мінулага стагоддзя ў СШ №1. Па яго меркаванню, за 60 гадоў змены адбыліся вельмі станоўчыя. І яму цяжка паверыць у тое, што насамрэч мае сучасная школа, такая як СШ №1 яго роднага Драгічына.

Вось так сумесна з ветэранамі былі праведзены нашай музейнай установай шэраг цікавых мерапрыемстваў, прысвечаных чарговай гадавіне Драгічынскага раёна.

Фота Кацярыны Крук

Комментарии к статье

К данной статье еще никто не оставил свой комментарий. Ваш комментарий может стать первым!

Последние новости

Весенние каникулы: маршрут в музей!!!

Вот и подошла к концу пора весенних каникул у школьников, впереди последний шаг – четвёртая четверть, и вот ещё один учебный год позади. Каждому ребёнку в этот период хочется отдохнуть, отвлечься от учебного процесса, заняться своими делами. А что если совместить приятное с полезным и прийти в музей? Многие именно так и сделали, посетив филиал «Военно-исторический музей им. Д.К. Удовикова» в период с 22 по 29 марта.

Огонь войны, память поколений: ко Дню сожженных деревень

22 марта ежегодно мы вспоминаем о сотнях белорусских деревень, которые были стерты с лица земли немецко-фашистскими захватчиками.Эти страшные дни оставили неизгладимый след в истории нашего народа, принеся неисчислимые страдания и боль многим семьям. Память о тех, кто потерял свои дома, своих близких, живет в наших сердцах и передается из поколения в поколение.

Февраль, февраль - солдатский месяц…

Февраль. В нашей стране он полон событий и праздничных традиций. Многие даты связаны со страшным словом «война», беспощадным и жестоким. Одна из них - 15 февраля, в которой переплелись глубокая скорбь и безграничная гордость.

Ещё одно имя из партизанской летописи …

На стенде «Его именем назван музей» есть групповое послевоенное фото Д.К. Удовикова с боевыми товарищами. На одном из них –Кирьянов Александр Евдокимович.

Акция «Музей открыт для Вас»

В рамках доброй новогодней инициативы – благотворительной акции «От всей души» – филиал «Военно-исторический музей» с радостью распахнул свои двери для граждан старшего возраста.