Прызентацыі новых кніг у бібліятэцы
Прызентацыі новых кніг заўсёды важная падзея ў культурным жыцці нашага рэгіёну. Так здарылася, што напрыканцы лютага 2019г. у Драгічынскай цэнтральнай бібліятэцы ў адзін дзень адбылася сустрэча з аўтарамі дзьвух новых кніг, якія з’явіліся на кніжных паліцах напрыканцы 2018г. Арганізатарамі гэтага мерапрыемства сталі – супрацоўнікі бібліятэкі і Савет ветэранаў раёна ў асобе Святланы Магілянчык.
Першая кніга:“Галасы вёсак якія знікаюць”, аўтарамі якой з’яўляюцца ўражэнцы нашага раёну Людміла Карнеева, Аляксандр і Ларыса Быцко. Кніга пабачыла свет у 2018г. у Брэсцкім выдавецтве “Паліграфіка”, тыражом 220 экз. Кніга выдавалась у рамках праграмы (праекту): “Месца сустрэчы: дыялог”, які фінансуе германскі фонд “Памяць, адказнасць, будучыня”. Арганізатарам праграммы ў Беларусі з’яўляецца Міжнароднае грамадзкае аб’яднанне “Узаемапаразуменне”. Аўтарамі і выканаўцамі праекта з’яўляецца Грамадскае аб’яднанне аматараў мастацтваў рэгіёну “Белавежская пушча” і Брэстчыны “Тур”. Кіравала ажыццяўленнем праекту Людміла Карнеева. Рэгіёнам для ажыцяўлення праграмы сталі вёскі Драгічынскага раёна: Сорацні, Дробаты, Вавулічы, Гутава і Агдэмер.
На прызентацыю прыйшлі не толькі ветэраны, але шмат моладзі і нават прыехалі госці з Брэсту і Пінску.
Аўтары праекта распавялі пра тое, як працавалі над кнігай, з якімі праблемамі сутыкаліся і як іх вырашалі. Цікава, што данная кніга змяшчае ўспаміны жыхароў запісаныя на мясцовай гаворцы і іх фота.
Суправаджалася мерапрыемства жаночым этнаграфічным ансамблям вёскі Вавулічы ў якім былі і тыя, хто папаў на старонкі кнігі.
Другая кніга“Жыццё працягваецца” не менш цікавая у гісторыка-этнаграфічным сэнсе аўтаркай якой з’яўляецца былая настаўніца Салаўскай школы Зінаіда Сяргейчык. У сваёй кніжцы Зінаіда Георгіяўна распавядае аб гісторыі сваёй сям’і і тым фальклоры які існаваў у часы яе маладосці у вёсцы Салава.
Аўтарка – ветэран педагагічнай працы расказала прысутным як вяла працу над кнігай і пра тое, хто яе натхніў на напісанне кнігі.
Па словах Зінаіды Сяргейчык, яна пачала працу над новай кнігай гісторыі вёскі Салава.
Вось такое цікавае і даволі рэдкае мерапрыемсятва адбылося напрыканцы лютага у раённай бібліятэцы з удзелам ветэранаў і моладзі.
Удзельнікі мерапрыемства былі уганараваны кнігамі з пажаданнямі аўтараў.
Сяргей Крушына
фота аўтара.
Адрес: г. Дрогичин, ул. Ленина, д. 163, Республика Беларусь, Брестская обл.
Время работы: 8:00-13:00, 14:00-18:00, 8.00-13.00, 14.00-17.00 (суббота, воскресенье)
Телефон: (801644) 7 14 22
Цена билета: Для учащихся, военнослужащих и приравненных к ним лицам - 60 коп. Для остальных категорий населения - 80 коп.
Цена экскурсии: Для учащихся, военнослужащих и приравненных к ним лицам - 5 руб. Для остальных категорий населения - 6 руб.
E-mail: dwhm@d-cult.brest.by
Группа музея в vk.com
Группа музея в Facebook