Помнікі гісторыка-культурнай спадчыны павінны надзяляцца вялікай увагай. Менавіта яны вызначаюць унікальнасць раёна і спрыяюць развіццю турызму. У нашым раёне на сённяшні дзень да помнікаў гісторыка-культурнай спадчыны аднесена больш за 50 аб’ектаў. Гэта ў асноўным цэрквы і вайсковыя пахаванні. Але ахоўваць неабходна не толькі тое, да чаго можна дакрануцца. Песні, абрады і мясцовыя традыцыі падчас з’яўляюцца найбольш каштоўнымі. Яны забываюцца і паміраюць разам са сваімі носьбітамі. На жаль, да нядаўняга часу ў нас не было ніводнага аб’екта, які можна было назваць духоўнай, ці нематэрыяльнай, спадчынай. Цяпер ён з’явіўся!
22 студзеня ў Мінску адбылося паседжанне Рэспубліканскай навуковай Рады па ахове гісторыка-культурнай спадчыны. На паседжанне Драгічынскі раён вынес пытанне аб наданні статуса гісторыка-культурнай каштоўнасці унікальнаму мясцоваму абраду “Стрылка”, які да нашага часу захаваўся ў вёсцы Бездзеж.
Сутнасць гэтага абрадавага карагода заключаецца ў тым, што ў першы дзень Вялікадня, пасля вялікоднай вячэрняй службы ў царкве, калі ўсе прыхаджане абыходзяць хрэсным ходам Свята-Троіцкі храм. Затым мясцовы бацюшка акрапляе святой вадой удзельнікаў дзейства і бласлаўляе іх на ваджэнне “Стрылкі”. Тады “Завадатар”(замужняя жанчына) ставіць “зырнятка” (маленькіх дзетак) у выглядзе трохкутніка. Дзеці стаяць на месцы, а астатнія ўдзельнікі абраду злучаюць рукі ўнізе і пачынаюць рухацца па сонцу, агінаючы “зярнятак” у выглядзе падковы і выконваюць карагодную песню:
“Ты лэты, лэты, Стрілка, по горам і по долынам…” На апошнім слупку рукі першага і апошняга ўдзельнікаў карагоду разлучаюцца і ўдзельнікі разбіраюць “зярняткі”.
Значны ўнёсак у даследаванне і прадстаўленне абрада на разгляд навуковай Рады належыць загадчыку метдычнага кабінета Аддзела ідэалагічнай работы, культуры і па справах моладзі Марыі Крук. За гэта шчыра яе дзякуем, а ўсіх жыхароў Бездзежа віншуем!
К данной статье еще никто не оставил свой комментарий. Ваш комментарий может стать первым!
Адрес: г. Дрогичин, ул. Ленина, д. 163, Республика Беларусь, Брестская обл.
Время работы:8:00-13:00, 14:00-18:00, 8.00-13.00, 14.00-17.00 (суббота, воскресенье)
Телефон: (801644) 7 14 22
Цена билета: Для учащихся, военнослужащих и приравненных к ним лицам - 60 коп. Для остальных категорий населения - 80 коп.
Цена экскурсии: Для учащихся, военнослужащих и приравненных к ним лицам - 5 руб. Для остальных категорий населения - 6 руб.
E-mail: dwhm@d-cult.brest.by
Группа музея в vk.com
Группа музея в Facebook